Dünya çempionatının keçiriləcəyi stadion uçdu: 2 ölü

Braziliyanın San-Paulu şəhərindəki "Sao Paulo Stadium Arena Corinthians" stadionunda faciəli insident baş verib. İnşaat kranının uçması nəticəsində 2 nəfə həlak olub.Milli.Az Daily Mail-ə istinadən bildirir ki, 2014-cü ildə Braziliyada keçiriləcək futbol üzrə Dünya çempionatının açılış mərasimi bu stadionda təşkil olunacaq.Stadionda tikinti-rekonstruksiya işləri aparan "Odebrecht" şirkətindən verilən məlumata görə, insident dünən yerli vaxtla saat 13 radələrində yaşanıb.Kran metallik konstruksiyanın üstünə düşərək stadionun fasadının bir hissəsini dağıdıb. Fəhlələrin tam əksəriyyəti bu zaman nahar fasiləsində idilər.FİFA-nın tələblərinə görə, stadionda aparılan işlər dekabrın sonunadək başa çatdırılmalıdır."Odebrecht" şirkəti bildirir ki, 50 min yerlik stadionda işlərin 94 faizi bitib.Braziliyada Dünya çempionatına hazırlıqla bağlı stadionlarda aparılan işlərdə artıq 3-cü insident yaşanır."Sao Paulo Stadium Arena Corinthians"ın sahibi olan "Korintians" klubunun rəhbərliyi "baş vermiş faciəyə görə dərin təəssüf hissi keçirdiklərini" bəyan edib.ANN.Az