Vəli Qasımov: "Millimizin oyunu xalqımızı sevindirmir"

"Milli komandamızın hər iki oyununun nəticəsi təəssüfləndiricidir. Qırğızıstanı isə mütləq məğlub etməliydik. Bildiyimə görə futbolçular meydançanın durumundan gileylənirlər. Ancaq bu, bəhanə olmamalıdır. Çünki biz onlardan qat-qat güclüyük. Hər iki ölkənin çümpionatına  nəzər salanda görürük ki, necə olur-olsun qırğızlara qalib gəlməliydik. Həm də axı, Foqts komandanı sırf nəciəyə oynadırdı. Əgər, bu oyuna eksperiment kimi yanaşılsaydı, nəticəni başa düşmək olardı. Ancaq komandamızda cəmi bir yeni oyunçu var idi”.

Qol.Az saytına açıqlamasında bu sözləri U-19 millimizin sabiq baş məşqçisi Vəli Qasımov yığmamızın Estoniya (1:2) və Qırğızıstan (0:0) milli komandaları ilə keçirdiyi yoldaşlıq oyunları haqda danışarkən deyib.

Veteran futbolçu qazanılan uğursuz nəticələri komandamızın baxımsız oyunları ilə əlqələndirib. Qeyd edib ki, bir çox xal qazandığımız qarşılaşmalar da təsadüf nəticəsində olub: "Həmişə bildirmişəm ki, bizim komandanın oyununda problem var. Bütün oyunlara baxanda görürük ki, güclə xal yığmışıq. Yəni xal aldığımız matçlarda da rəqibin xeyli imkanları olub, bəxt sayəsində qalib gəlmişik və ya heç-heçə etmişik. Millimizin göstərdiyi oyun xalqımızı sevindirmir".

V.Qasımov artıq Foqtsla vidalaşmağın vaxtı gəldiyini bildirib: "Bu yoldaşlıq görüşlərindəki nəticə elə də nəzərə  alınmır. Ancaq fikrimcə, Foqts getməlidir. Çünki Azərbaycan futbolu əvvəlki illərlə müqayisədə xeyli geriləyib. Futbolun gözəlliyi odur ki, oyun göstərəsən. Azarkeşlərə gözəl oyuna baxmağa gəlir. Bu gün isə biz baxımlı futbol görmürük. Son seçmə mərhələdə topladığımız 9 xal nəticə baxımından yaxşıdır. Onu da nəzərə almaq lazımdır ki, heç vaxt milli komanda üçün belə şərait yaranmayıb. Bununla belə komandamızın son dövrlərdə göstərdiyi oyun heç xoşuma gəlmir. Mən çox oyunlar görmüşəm, ancaq millimizin göstərdiyi oyun mənə çatmır".

V.Qasımov onu da əlavə edib ki, Foqtsun əvəzinə yerli məşqçi gətirilməlidir: "Çünki əcnəbi mütəxəssis Azərbaycanda yaşamır. Yerli mütəxəssis çempionatımıza, orada çıxış edən futbolçulara yaxşı bələddir. Foqts isə Azərbaycanda yaşamadığı üçün futbolçu seçimində çox səhflər edib. Bildiyimə görə, o, zədəli və ya komandasında heyətə düşə bilməyən futbolçuları milliyə dəvət edir. Bu da onun çempionatdan xəbərsiz olduğunu göstərir. Buna görə deyirəm ki, yeni baş məşqçi yerli mütəxəssis olmalıdı

Qol.az