Millimizin üzvü türk klubundan ayrılır

"Eskişəhərspor"un baş məşqçisi Ertoğrul Sağlam tərəfindən əsas heyətdən kənarlaşdırılan və əvəzedici komandanın formasını geyən Ufuk Budak iş yerini dəyişmək istəyir. Fanat.az xəbər verir ki, bu barədə millimizin üzvü özü məlumat verib:"Əsas heyətə düşə bilmirəm, belə getsə, qışda komandadan ayrılacam. Menecerimə Azərbaycandan təklif gəlsə, niyə də oynamayım? Təki təklif olsun".Qeyd edək ki, Ersun Yanalın "Fənərbaxça"ya gedişindən sonra "Eskişəhərspor"un başına keçən Sağlam gələn kimi Ufuk Budak daxil olmaqla, bir neçə gənc futbolçunun icarəyə verilməsinə qərar vermişdi. Lakin transfer dövrünün sonunadək Super Liqa təmsilçisi futbolçuları üçün klub tapa bilmədi və onları əvəzedici heyətə göndərdi.ANN.Az