"Sent-Etyen"in futbolçusu "Hakimin qərarları yanlış idi"

"Hakimin qərarları yanlış idi. İki epizodda referi rəqibin lehinə qərarlar qəbul etdi".ANN.Az Qol.Az-a istinadən xəbər verir ki, bu sözləri "Sent-Etyen" klubunun futbolçusu Conatan Brison Fransa mətbuatına açıqlamasında Avropa Liqasının qrup mərhələsinin V turunda "Qarabağ"la 1:1 bərabərə qaldıqları oyun haqda danışarkən deyib.31 yaşlı futbolçu artıq "pley-off"a yüksəlmək şanslarının özlərindən asılı olmadığını bildirib: "Qarabağ"la görüşdəki oyunumuza görə güzgüdə özümüzə baxmalıyıq. Qələbə qazanmaq üçün hər şeyi etdik. Lakin vacib qolu vura bilmədik. Təəssüf ki, hakim amili qələbəmizə mane oldu. Artıq "pley-off"a yüksəlmək şansı bizdən asılı deyil. "Qarabağ" "İnter"ə qalib gələcəyi təqdirdə növbəti mərhələyə yüksələcək. Evdə keçirdiyimiz iki görüşdə qələbə qazanmalı idik. Bununla belə, hələ heç nə bitməyib. "Dnepr"lə görüşdə qələbə qazanmaq üçün əlimizdən gələni edəcəyik".Qeyd edək ki, "Sent-Etyen" Avropa Liqasının qrup mərhələsində son matçını səfərdə "Dnepr"ə qarşı keçirəcək. Oyun dekabrın 11-də Ukraynada keçiriləcək. ANN.Az