2024-cü il Yay Olimpiya Oyunlarına iddia edəcək şəhərlərin ilkin siyahısı

2024-cü il Yay Olimpiya Oyunlarına iddia edəcək şəhərlərin ilkin siyahısı açıqlanıb.

ANN.Az "Report"a istinadən xəbər veri ki, olimpiada təşkilatçılığı arzusunda olanlar arasında Bakı da yer alıb.

Azərbaycan paytaxtının mümkün rəqibləri qismində Los-Anceles, Boston (hər ikisi ABŞ), İstanbul (Türkiyə), Doha (Qətər), Durban (CAR), Berlin (Almaniya), Budapeşt (Macarıstan), Roma (İtaliya), Nayrobi (Keniya), Kasablanka (Mərakeş), Sankt-Peterburq (Rusiya) və Kiyev (Ukrayna) də var. Daha öncə Toronto (Kanada), Qvadalahara (Meksika) və Taypey (Tayvan) fikirlərindən daşınıb. Beynəlxalq Olimpiya Komitəsi (İOC) Təşkilat Komitəsi Parisin də ərizə verəcəyinə ümid edir. Bu halda, Fransa paytaxtı 2024-cü il Oyunlarına əsas namizəd sayılacaq. Qələbə təqdirində, olimpiada tam 100 ildən sonra Parisə qayıdacaq.

Qeyd edək ki, namizəd şəhərlərin yekun siyahısı 2015-ci il sentyabrın 15-də, qalib şəhərin adı 2017-ci ilin ortalarında açıqlanacaq.

ANN.Az