Qalatasaray "Fernando Muslera"nı satır

"Qalatasaray"ın qapıçısı Fernando Muslera klubdan gedə bilər.

ANN.Az ANS PRESS-ə istinadən xəbər verir ki, belə bir iddia Türkiyə mətbuatında yer alıb. Belə ki, klub rəhbərliyi "Portu"dan Sinan Bolatı transfer edərkən portuqallara söz verib.

Transfer görüşləri zamanı Sinanı "Qalatasaray"ın əsas qapıçısı kimi heyətə qatdıqlarını deyən klub təmsilçiləri Musleranı satacaqlarını bildiriblər. Hətta bunun üçün "Portu" Sinanın müqaviləsinə "bir ildə ən azı 5 oyunda əsas heyətdə oynamalıdır" şərtini əlavə edib. Qapıçı "cimbom"un heyətinə düşdüyü hər oyuna görə 20 min avro qazanır. Klubda qalacağı müddət ərzində 1,3 milyon avronun sahibi olacaq qapıçı uruqvaylı Musleranın alternativi olaraq düşünülür.

Qeyd edək ki, "Qalatasaray"ın son Çempionlar Liqası matçında məhz "Portu"nun tələb etdiyi şərtlər səbəbindən İstanbul təmsilçisinin qapısını Sinan Bolat qoruyub. Fernando Musleranın isə qış transfer dövründə satılacağı gözlənilir.

ANN.Az