"Bir gün Türkiyədə çempion olacam" - Roberto Karlos

"Futbolçu karyeramda olduğu kimi baş məşqçi fəaliyyətimdə uğur qazana bilmədim. Oyunçu kimi isə 26 kubok qazandım. Baş məşqçilik karyeramda 6 kubok qazansam, bunu özüm üçün yetərli hesab edəcəm".

Qol.Az-ın məlumatına görə, bu sözləri "Sivasspor" klubunun sabiq baş məşqçisi Roberto Karlos Türkiyə mətbuatına açıqlamasında deyib.

Braziliyalı mütəxəssis gələcəkdə Türkiyə superliqasını qazana biləcəyini iddia edib: "Bir gün Türkiyədə çempion olacağıma inanıram. Braziliya millisi və ya digər Avropa komandası ilə dünya kubokunu qazana bilərəm. Lakin bu günə qədər baş məşqçi kimi uğur qazanmadım. Futbolçu kimi isə çox şey etdim. Təbii ki, bu çox asan idi. Çünki bir sıra istedadlı futbolçularla birgə oynadım".

Qeyd edək ki, "Sivasspor" klubunun rəhbərliyi bir müddət öncə uğursuz çıxışları səbəbindən R.Karlosla yollarını ayırıb.

ANN.Az