Qurbanov və Sadıqov "Qızıl top"da kimə səs verdi?

2014-cü ildə dünyanın ən yaxşı futbolçusu seçimində Azərbaycan təmsilçilərinin kimlərə səs verdi bəlli olub.

Qol.Az-ın FİFA-nın saytına istinadən yaydığı xəbərə görə, baş məşqçi qismində səs verən Mahmud Qurbanov səslərini müvafiq ardıcıllıqla Aryen Robben (Hollandiya, "Bavariya"),  Anxel Di Mariya (Argentina, "Real"/"Mançester Yunayted") və Kriştiano Ronaldoya (Portuqaliya,"Real") verib.

Milimizin kapitanı  Rəşad Sadıqov "Qızıl top"a Kriştianu Ronaldonu layiq görüb. O, ikinci yerdə Manuel Noyeri (Almaniya, "Bavariya"), üçüncü yerdə isə Aryen Robbeni göstərib.

Jurnalist kimi səs verən Rasim Mövsümzadə də Kriştianu Ronaldonu birinci yerə layiq görüb. O, Filipp Lamı (Almaniya, "Bavariya") ikinci, Aryen Robbeni isə üçüncü yerə yazıb.