Messidən 30-cu het-trik

"Barselona"nın futbolçusu Lionel Messi üçün İspaniya La Liqasında "Deportivo"ya qarşı matç (4:0) əlamətdar olub.

Qol.Az-ın xarici KİV-lərə istinadən yaydığı xəbərə görə, argentinalı hücumçu sözügedən oyunda üç qol vuraraq rəsmi görüşlərdə 30-cu het-trikinə imza atıb.
 
Bundan başqa, La Liqada het-triklərini sayını 22-ə yüksəldən Messi Alfredo Di Stefano və Telmo Zarraya çatıb.

Qeyd edək ki, La Liqada ən çox het-trik edən oyunçu "Real"ın futbolçusu Kriştiano Ronaldodur (23).

ANN.Az