"Qarabağ" mənə zamanında qucaq açmış komandadır"

"Məşqlərimiz yaxşı gedir. Əlimdən gələni edirəm ki, əvvəlki formamı bərpa edim. Yoxlama oyununda İsveçrə "Sürix"inə qol vurduğum üçün çox sevindim".

ANN.Az Qol.Az-a istinadən xəbər verir ki, bu sözləri "Qarabağ"ın futbolçusu Reynaldo Silva deyib.

Braziliyalı hücumçu bildirib ki, zədəli olduğu üçün uzun müddət komandasının oyunlarını kənardan izləmək onu çox məyus edib:

"Amma "Qarabağ” mən olmayanda da yaxşı oyun nümayiş etdirdi. Komandamın oyununu kənardan izləmək məni məyus edirdi. Belə matçlar çox olub. Amma ən çox Avropa Liqasının qrup mərhələsinin son turunda "İnter"ə qarşı görüşdə üzüldüm. Çünki stadionda yaxşı mühit var idi və komandamın ən vacib oyunu idi".

Reynaldo "Qarabağ"dan ayrılmağı düşünmədiyini də qeyd edib: "Qarabağ" mənə zamanında qucaq açmış komandadır. Onların bu sevgisi davam edənə kimi komandada qalacam".

Reynaldonun sözlərinə görə, əsas məqsədi qol vurub komandasını çempion etməkdir:

"Bunun üçün öz oyunumu bərpa edib əlimdən gələni əsirgəməyəcəm. Biz yenidən Avropa meydanlarında mübarizə aparmaq istəyirik".

ANN.Az