Həmzəoğlu: "Ona mütləq "Qalatasaray" formasını geyindirəcəm"

Həmzə Həmzəoğlu: "Əgər vəzifədə qalsam, onu "Qalatasaray"a gətirəcəm"
 
ANN.Az Türkiyə mediasına istinadən xəbər verir ki, "Qalatasaray"ın baş məşqçisi Həmzə Həmzəoğlu bildirib ki, əgər "Qalatasaray"da qalsam, Fernandonu komandaya gətirəcəm.

Komandanın heyətini möhkəmlətmək üçün əlindən gələni edən, ancaq maddi imkansızlıqlar səbəbindən transfer planını həyata keçirə bilməyən "Qalatasaray" uzun illərdən sonra ilk dəfə transfer dövrünü boş keçirib. Baş məşqçi Həmzə Həmzəoğlu bu vəziyyəti dərd etmədiyini bildirsə də, komandanın möhkəmlənməyə ehtiyacının olduğunu bildirib. Bundan başqa, baş məşqçi bildirib ki, ötən ilin yanvar ayında edilən transferlərə baxıldıqa görülür ki, məsələn: "Mançininin dövründə 9 transfer edilib və təxminən 20 milyon avro xərclənib. İşin maraqlı tərəfi isə budur ki, bu möhkəmlətmələrdən yalnız TELLES ilk 11də oynayır, Koray da arada əsas heyətdə oynamağa şans tapır. Digər transferlərin isə hərəsi bir göndərilib, ya da qaçıb".

Həmzə Həmzəoğlu isə ən çox bu oyunçunu istəyir

Həmzə Həmzəoğlunun ən çox istədiyi oyunçu isə Fernando idi. Baş məşqçi bütün dostlarına Braziliyalı qolçunu nə qədər bəyəndiyini izah etsə də, sanki bu transfer bitmiş kimi danışırdı: "Müqaviləsi mövsüm sonunda bitir. Əgər vəzifədə qalsam, ona mütləq "Qalatasaray" formasını geyindirəcəm".

ANN.Az