"Çelsi"də 10 il də qalaram"

"Çelsi"ni çox sevirəm. Premyer Liqada çalışmaqdan böyük zövq alıram. Əlbəttə, bəzən anlamadığım şeylər olur. Ancaq bunlar da Premyer Liqa haqqındakı müsbət düşüncələrimi dəyişmir".

ANN.Az Qol.Az-a istinadən xəbər verir ki, bu sözləri "Çelsi"nin baş məşqçisi Joze Mourinyo Britaniya mətbuatına açıqlamasında deyib.

52 yaşlı mütəxəssis uzun illər "Çelsi"də qalmaq istədiyini bildirib: "Mənə "Çelsi"də 10 il qalmağı təklif etsələr, heç düşünmədən qəbul edərəm. "Çelsi"də xoşbəxtəm və burada 10 il də qalaram".

Komandasının Premyer Liqadakı çempionluq şanslarını da dəyərləndirən Mourinyo deyib: "Hələ qarşıda 13 oyun var. Bundan sonra 39 xal toplaya bilərik ki, bu da yüksək rəqəmdir. Liderliyimiz davam edir. Ən yaxın izləyicimizdən 7 xal öndəyik. Bundan sonra da hər oyunda qalib gəlmək istəyirik. Hazırda lider olsaq da, çempionluq yarışı hələ qabaqdadır".

Qeyd edək ki, dünən Premyer Liqanın 25-ci turunda "Everton"a 1:0 hesabı ilə qalib gələn "Çelsi" 59 xalla turnir cədvəlinə başçılıq edir.

ANN.Az