"Neftçi" Ernest Nfora yenidən şans verdi

Neftçi klubu Ernest Nfora yenidən şans verdi.

ANN.Az Neftçi klubun rəsmi saytına istinadən xəbər verir ki, əvəzedici komandanın son iki qələbəsində pay sahibi olan kamerunlu futbolçu baş məşqçi Arif Əsədova müraciət edərək yenidən əsas komandaya qayıtmaq istədiyini və özünü sübut etmək üçün ona şans verilməsini istəyib. Bu müraciətdən sonra məşqçilər korpusunun təqdimatına əsasən E.Nforun əsas komandaya qaytarılmasına qərar verilib.
 
Xatırladaq ki, E.Nfor bir müddət öncə məşqlərdə və oyunlarda peşəkar səviyyəsindən aşağı çıxış etməsi və intizamsızlığı səbəbindən məşqçilər korpusunun təqdimatına əsasən əvəzedici heyətə göndərilmişdi.

ANN.Az