Skolari hələ belə utanmamışdı

Qol.Az-ın xarici KİV-lərə istinadən yaydığı xəbərə görə, o, komandasının doğma meydanda "Veranopolis"ə 0:1 hesabı uduzduğu matçın bitməsinə 4 dəqiqə qalmış texniki zonanı tərk edərək, birbaşa paltardəyişmə otağına yollanıb.

Komandasının oyunundan narazı qalan Braziliya millisinin sabiq çalışdırıcısı matçdan sonra jurnalistlərlə söhbətində etdiyi hərəkətin səbəbini açıqlayıb: 

"Braziliya millisi ilə "DÇ-2014"ün yarımfinalında Almaniyaya 1:7 hesabı ilə uduzduğumuz matçdan sonra belə, bu qədər utanmamışdım. Paltardəyişmə otağına getməkdən başqa çarəm yox idi. Əsəbimin sakitləşməsi üçün həmin hərəkəti etdim. Çünki qarşılaşmanın sonunda əsəblərimi cilovlaya bilməməyimdən qorxdum".