Futbolumuza növbəti zərbə

"Lokomotiv" birinci diviziondan xaric edilib.

ANN.Az-ın PFL-in saytına istinadən yaydığı xəbərə görə, buna İntizam Komitəsinin bu gün keçirilən iclasında qərar verilib.

"18 fevral 2015-ci il tarixli 79 saylı məktubla "Lokomotiv” klubu fəaliyyətini dayandırması və növbəti turdan etibarən Azərbaycan I divizionunda çıxışını davam etdirməyəcəyi ilə bağlı Peşəkar Futbol Liqasına müraciət edib. PFL bu məsələ ilə bağlı İntizam Komitəsinə müraciət edərək müvafiq qərarın çıxarılmasını bildirib.  Yuxarıda göstərilənləri nəzərə alaraq, İntizam Komitəsi  "Lokomotiv” klubu 2014/2015 mövsümündə Azərbaycan I divizionundan xaric edib. Klub oyunların 50 faizində iştirak etdiyinə görə, klubun iştirakilə keçiriləcək növbəti matçlarda kluba 0:3 hesablı texniki məğlubiyyət verilib.

Xatırladaq ki, bundan öncə AFFA faəliyyətini dayandıran "Araz Naxçıvan”ın da Premyer Liqadan çıxarılması haqda qərar vermişdi.