"Real" və "Porto" Çempionlar Liqasının 1/4 finalına yüksəldi

Çempionlar Liqasında növbəti görüşlər keçirilib.

Apasport.az saytının məlumatına görə, 1/8 final mərhələsinin cavab oyunlarına Pireney yarımadasında start verilib.

İlk 1/4 finalçılar Portuqaliya və İspaniyada keçirilən qarşılaşmalarda müəyyənləşib. "Draqao” stadionunda baş tutan "Porto” – "Bazel” matçı daha çox maraq kəsb edirdi.

Həm cütün, həm də ev oyununun favoriti hesab edilən meydan sahibləri rəqibini top atəşinə tutub. Görüşdə 4:0 hesabı ilə qalib gələn "Porto” 1/4 finala vəsiqə qazanıb.

Digər oyunda isə "Kral klubu” gözlənilmədən uduzub. Səfərdə "Şalke”ni 2 top fərqilə məğlub edən "Real”ın üstünlüyünü Madriddə əldən vermə niyyətində deyildi. Son matçlarda o qədər də inamlı təsir bağışlamayan Karlo Ançelottinin yetirmələri "Santyaqo Bernabeu” stadionunda yerli azarkeşlərini üzüb.

Beləliklə, "Real” "Şalke”yə 3:4 hesabı ilə məğlub olsa da, 1/4 finala yüksəlib.

Çempionlar Liqası - 1/8 final, cavab oyunları , 10 mart

"Porto” (Portuqaliya) – "Bazel” (İsveçrə) - 4:0

Qollar: Brahimi, 14, Herrera, 47, Kasemiro, 56, Aboubakar, 76

Baş hakim: Yonas Eriksson (İsveç)

İlk oyun – 1:1

"Real” (İspaniya) – "Şalke" (Almaniya) - 3:4

Qollar: Ronaldo, 25; 45+1, Benzema,  - Fuks, 20, Huntelaar, 40; 85, Sane, 57

Baş hakim: Damir Skomina (Sloveniya)

İlk oyun – 2:0

ANN.Az