"İbrahimoviçə qarşı xüsusi planımız yoxdur" – Mourinyo

Qol.Az-ın klubun rəsmi saytına istinadən verdiyi məlumata görə, portuqaliyalı mütəxəssis rəqib hücumçu Zlatan İbrahimoviçə qarşı xüsusi plan hazırlamadığını bildirib:

"İbrahimoviç kimi futbolçuya qarşı oynamaq çətindir. Ancaq ona qarşı xüsusi planım yoxdur. Biz təkcə bir futbolçuya deyil, komandanın bütün oyunçularına diqqət yetirəcəyik. Ötən mövsüm hücum xəttimizdə Eto’О, Demba Ba və Fernando Torres çıxış edirdi. Çempion ola bilməsək də, onlar turnirdə irəliləməyimizə kömək etdilər. İndi isə Dieqo Kosta, Remi və Droqba bizə Çempionlar Liqasını qazanmağa kömək edəcək və Premyer Liqanı çempion başa vurmağımıza yardımçı olacaqlar".

Qeyd edək ki, "Çelsi" - PSJ oyunu bu axşam, Bakı vaxtı ilə saat 23:45-də başlayacaq. Bu komandalar arasında Parisdə keçirilən oyunda 1:1 hesabı qeydə alınıb.