"Azərbaycan millisi braziliyalı oyunçuları ilə tanınır"
18.03.2015 13:07
"Çox güclü və maraqlı qrupa düşmüşük. Belçikadan başqa digər rəqiblərimizin oyunlarını izləmişəm. Çünki belçikalılar yoldaşlıq oyunu keçirməyiblər. Ancaq biz onların seçmə mərhələdə Azərbaycanla keçirəcəkləri oyunlarını izləyəcəyik".
Qol.Az-ın məlumatına görə, bu sözləri Ukraynanın futzal yığmasının baş məşqçisi Aleksandr Kosenko deyib.
Ukrayna mətbuatına danışan təcrübəli mütəxəssis Avropa çempionatının seçmə mərhələsində qarşılaşacaqları Azərbaycan millisi ilə oyunun həlledici olacağını bildirib:
"Azərbaycan millisi ilk növbədə braziliyalı oyunçuları ilə tanınır. Onlar çox sürətli və texnikalıdırlar. Bu səbəbdən Azərbaycan yığmasına qarşı oynamaq çətindir. Meydan sahibləri ilə oyun həlledici olacaq. Ancaq biz bu oyuna qədərki rəqibləri düzgün qiymətləndirməsək və yalnız Azərbaycanla matça köklənsək, o zaman bizdə heç nə alınmayacaq. Ona görə də bütün rəqiblərlə oyunlara yaxşı hazırlaşmalı və onlardan xal almalıyıq".
Qeyd edək ki, "Avro-2016"nın seçmə mərhələsinin oyunları Bakıda keçiriləcək. Millimiz bu gün ilk matçında Belçika ilə qarşılaşacaq. Ukrayna isə Danimarka ilə üz-üzə gələcək.
ANN.Az
Telegram
Bizi Teleqramda izləyin
Oxşar xəbərlər
Oxşar xəbərlər
İdman 18:39
FIFA U-15 Dünya Çempionatında iştirak edəcək Azərbaycan millisinin açıq məşqi keçiriləcək
Foto
Video
