"DÇ-2018": Avropa zonasının formatı müəyyənləşdi
23.03.2015 23:59
2018-ci ildə Rusiyada keçiriləcək dünya çempionatının Avropa zonası üzrə seçmə mərhələsinin formatı təsdiqlənib.
ANN.Az Qol.Az-a istinadən xəbər verir ki, bu barədə UEFA-nın baş katibi Canni İnfantino məlumat verib.
O bildirib ki, bu gün keçirilən UEFA İcraiyyə Komitəsinin iclasında bununla bağlı qərarlar qəbul edilib.
Qərara əsasən, 52 millinin iştirak edəcəyi seçmə mərhələ 9 qrupdan ibarət olacaq. Qrupların yeddisində altı komanda, ikisində beş komanda yer alacaq.
Qrup qalibləri final mərhələsinə birbaşa vəsiqə qazanacaqlar. İkinci yeri tutanlardan 8 ən güclüsü isə "pley-off" oynayacaq və daha 4 vəsiqənin taleyinə aydınlıq gətirəcək.
Qeyd edək ki, "DÇ-2018"in Avropa zonası üzrə seçmə mərhələsinin oyunları 2016-ci ilin sentyabr və 2017-ci ilin noyabr tarixləri arası keçiriləcək.
Əlavə edək ki, "DÇ-2018"in final mərhələsi iyunun 14-dən iyulun 15-dək Rusiyanın 11 şəhərində - Moskva, Sankt-Peterburq, Kalininqrad, Volqoqrad, Kazan, Nijni Novqorod, Samara, Saransk, Rostov, Soçi və Yekaterinburqda oynanılacaq.
ANN.Az
Telegram
Bizi Teleqramda izləyin
Oxşar xəbərlər
Oxşar xəbərlər
İdman 18:39
FIFA U-15 Dünya Çempionatında iştirak edəcək Azərbaycan millisinin açıq məşqi keçiriləcək
Foto
Video
