Falkao “Mançester Yunayted”dən ayrılır

İcarə əsasında "Mançester Yunayted”də çıxış edən Radamel Falkao mövsümün sonunda sözügedən klubdan ayrılacağını deyib.

Qol.Az-ın Britaniya mətbuatına istinadən yaydığı xəbərədə görə, müqavilə ilə "Monako”ya məxsus olan hücumçu cari mövsüm "MY”-də əsasən ehtiyatda qalıb və cəmi dörd qol vura bilib. 

Kolubiyalı futbolçu ona az şans verən baş məşqçi Lui Van Qalla aralarında problem olmadığını da bildirib: "Mövsümün sonunda hərətərəfli götür-qoy edib düzgün qərar verəcəm. Müntəzəm oynayabiləcəyim bir kluba getməliyəm. Amma hazırda sadəcə "Mançester Yunayted”i düşünürəm. Hər bir baş məşqçi kimi  Van Qal da öz qərarını verir. Mən hər zaman peşəkarcasına çalışıram. Özümü burda rahat hiss edirəm. Sadəcə oynamağa ehtiyacım var”.