Kriştiano Ronaldoya ağır cəza verilə bilər

İspaniya Futbol Federasiyası "Real”ın hücumçusu Kriştiano Ronaldoya ağır cəza tədbiq edə bilər.

Qol.Az-ın xarici KİV-lərə istinadən yaydığı xəbərə görə, buna La Liqanın ötən bazar günü "Barselona”ya qarşı matçında portuqaliyalı futbolçunun baş hakimə sözlə yazılışı etik baxımdan düzgün olmayan təhqiramiz jest etməsi səbəb olub.

İspaniya Peşəkar Futbol Liqasının prezidenti Xavyer Tabes bildirib ki, televiziya ekranına da düşən bu epizodla bağlı araşdırma aparırlar.

Ronaldoya buna görə ağır cəza tədbiq ediləcəyi istisna olunmur.

X.Tabes həmçinin bildirib ki, poqrtuqaliyalı hücumçuya həmçinin həmin matçdakı qol sevincinə görə də cəza tədbiq edilə bilər. Vurduğu qoldan sonra Ronaldo "Barselona”lı azarkeşlərin oturduğu tribuna önündə əlini ağzına yaxınlaşdıraraq onları sakitliyə çağırıb.

X.Tebasın bunu stadionda asayişin pozulmasına səbəb ola biləcək təxribatçı hərəkət kimi qiymətləndirib. Bununla belə, liqa prezidenti Ronaldoya bu hərəkətinə görə maddi, yoxsa oyun cəzası veriləcəyini dəqiqləşdirməyib.