Millimiz UEFA reytinqində irəlilədi - SİYAHI

UEFA-ya üzv olan ölkələrin yığma komandalarının yeni reytinq cədvəli açıqlanıb.

Qol.Az-ın qurumun rəsmi saytına istinadən verdiyi məlumata görə, Azərbaycan millisi reytinqdə irəliləyib.

Sonuncu dəfə 4 ay öncə açıqlanan siyahıda xeyli dəyişikliklər olub. "Avro-2016"nın seçmə mərhələsində evdə Maltaya 2:0 hesabı ilə qalib gələn yığmamız 5 pillə irəliləyərək 16,881 xalla 42-ci yerdə qərarlaşıb.

Milli komandamız reytinqdə Kipr, Moldova, Gürcüstan, Makedoniya və Lixtenşteyn yığmalarını qabaqlayıb. 

İlk üçlükdə isə dəyişiklik baş verməyib. Son dünya çempionu Almaniya millisi 39,336 xalla birinci pillədəki mövqeyini qoruyub. İspaniya 36,803 xalla ikinci, İngiltərə isə 35,963 xalla üçüncüdür.