"Artıq mənim üçün penalti vurmaq çətindir" – Messi
14.04.2015 20:57
"Barselona"nın futbolçusu Lionel Messi klubun dərgisinə müsahibə verib.
Qol.Az-ın İspaniya mətbuatına istinadən yaydığı xəbərə görə, argentinalı hücumçu müsahibəsində son zamanlar penaltiləri dəqiq yerinə yetirə bilməməsindən də bəhs edib. Messi bildirib ki, onun üçün penalti zərbələrini dəqiq yerinə yetirmək çətindir:
"Çoxlu onbirmetrlik cərimə zərbəsi vururam. Həm "Barselona"da, həm də Argentina millisində birinci penalti vurmaq hüququ məndədir. Buna görə də qapıçılar artıq məni tanıyırlar. Artıq mənim üçün penalti vurmaq daha çətindir".
Ötən mövsümün özü üçün bir qədər uğursuz keçdiyini söyləyən Messi hazırda yaxşı formada olduğunu vurğulayıb:
"Hazırda özümü yaxşı hiss edirəm. Daha yaxşı formaya düşmək üçün ötən mövsüm yaşadıqlarımı unutmağa çalışmışam".
L.Messi onu da qeyd edib ki, bu mövsüm mübarizə apardıqları La Liqa, Çempionlar Liqası və İspaniya kubokunun qalibi olmaq üçün əllərindən gələni edəcəklər.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
İdman 18:39
FIFA U-15 Dünya Çempionatında iştirak edəcək Azərbaycan millisinin açıq məşqi keçiriləcək
Foto
Video
