Çempionlar Liqasında yarımfinalçılar bəlli oldu

Bu gün Çempionlar Liqasında 1/4 finalın cavab oyunlarına yekun vurulub.

Qol.Az-ın məlumatına görə, daha iki yarımfinalçının adı bəlli olub.

Öz meydanında "Monako”ya 1:0 hesabı ilə qalib gələn "Yuventus” bu dəfə rəqibi ilə Fransada görüşüb. İlk oyunda minimal hesablı qələbə qeydə alındığından bugünkü qarşılaşmada komandaların şanslarını bərabər qiymətləndirmək olardı. Lakin lazım olan qolu vura bilməyən "Monako" turnirdə mübarizəni dayandırıb.

Digər cütün taleyinə Madrid derbisində aydınlıq gəlib. Burada "Real” "Atletiko”nu qəbul edib. Komandaların ilk görüşündə qapılara qol vurulmayıb. Ötən mövsümün finalında son dəqiqələrdə buraxdığı qollla çempionluğunu əldən verən "Atletiko" bu dəfə də rəqibi ilə bacarmayıb. Oyuna ciddi itkilərlə çıxan "kral klubu" rəqibini 1:0 hesabı ilə məğlub edərək yarımfinala yüksəlib.

Qeyd edək ki, Çempionlar Liqasının yarımfinalında "Barselona", "Bavariya", "Real" və "Yuventus" komandaları mübarizə aparacaq. Bu mərhələnin püşkü sabah keçiriləcək.


22 aprel

Çempionlar Liqası, 1/4 finalın cavab oyunları

"Monako" (Fransa) - "Yuventus" (İtaliya) - 0:0
(İlk oyun - 0:1)

"Real" (Madrid, İspaniya) - "Atletiko" (Madrid, İspaniya) - 1:0
Qol: Xavyer Hernandez, 88 (1:0)
(İlk oyun - 0:0)
Qırmızı vərəqə: Arda Turan, 76 ("Atletiko")


21 aprel

 "Barselona" (İspaniya) - PSJ (Fransa) - 2:0
(İlk oyun - 3:1)
Qollar:  Neymar, 14, 34 (2:0)

 "Bavariya" (Almaniya) - "Portu" (Portuqaliya) - 6:1
(İlk oyun - 1:3)
Qollar: Alkantara, 14 (1:0), Boatenq, 22 (2:0), Levandovski, 27 (3:0), Müller, 36 (4:0), Levandovski, 40 (5:0), Martinez, 73 (5:1), X.Alonso, 88 (6:1)
www.ann.az