"Rəqiblərimizi məhv etdik" – Mourinyo

"Çelsi"nin baş məşqçisi Joze Mourinyo Premyer Liqada "Lester"i məğlub etdikləri oyundan (3:1) sonra maraqlı fikirlər səsləndirib.

Qol.Az-ın məlumatına görə, portuqaliyalı mütəxəssis çempionluq uğrunda mübarizədə bütün rəqiblərini məhv etdiklərini bildirib:

"Lester"lə görüşdə lider kimi oynadıq. Öz meydanında güclü təsir bağışlayan komandanı məğlub etdik. Digər komandalar da burada çətinliklə üzləşiblər. Hər kəs "Arsenal" və "Mançester Yunayted"ə uduzacağımızı gözləyirdi. Ancaq biz rəqiblərimizi məhv etdik. İndi isə çempion olmaq üçün sadəcə 3 xala ehtiyacımız var".

Qeyd edək ki, "Çelsi" Premyer Liqanın 35-ci turunda evdə "Kristal Palas"ı qəbul edəcək.