Azərbaycan taekvondoçusu dünya çempionu oldu

 

Apasport.az saytının məlumatına görə, 87 kq çəki dərəcəsində mübarizə aparan idmançımız buna Rusiyanın Çelyabinsk şəhərində keçirilən mundialda qızıl medal qazanmaqla nail olub.

 

Belə ki, dünya çempionatının altıncı günü tatamiyə çıxan İsayev bütün rəqiblərinə gücünü göstərib. Öncə Banqladeş idmançısı İmyaiz İbne Alini 19:0 hesabı ilə məğlub edən yığmamızın lideri ikinci görüşündə Çin Taypeyi təmsilçisi Çanq Kaini üstələyib – 13:3. Radik 1/4 finalda fransalı M’Bar N’Diaye ilə üz-üzə gəlib. Təmsilçimiz ötən il Bakıda keçirilən Avropa çempionatının finalında məğlub etdiyi rəqibdən güclü olduğunu növbəti dəfə sübut edib (8:2).

 

Yarımfinalda taekvondoçumuz 2013-cü ildə Meksikada baş tutan dünya çempionatının qalibi Rafael Kastillo (Kuba) ilə döyüşüb. Hazırda yaxşı formada olan İsayev mərkəzi amerikalını da məğlub edərək (7:6) finala yüksəlib. Qızıl medal uğrunda döyüşdə isə onun rəqibi özbəkistanlı Cəsur Baykuziyev olub. Bütün görüşlərini yüksək səviyyədə keçirən taekvondoçumuz asiyalı qarşısında da büdrəməyib və dünya çempionu titula yiyələnib.

 

O, bununla da 14 ildən sonra Azərbaycana dünya çempionatında qızıl medal qazandırıb.

 

140 ölkədən 875 idmançının mübarizə apardığı mundiala bu gün yekun vurulacaq. Komandamız isə vətənə sabah qayıdacaq.

 

Qeyd edək ki, İsayevədək Azərbaycanın yeganə medalı Niyaməddin Paşayevin aktivində idi. O, Cənubi Koreyada keçirilən mundialda 68 kq çəki dərəcəsində fəxri kürsünün ən yüksək pilləsinə qalxmışdı.