Klublarımızın Avropa Liqasındakı potensial rəqibləri

2015/2016 mövsümündə ölkəmizi Avropa Liqasında təmsil edəcək klublar müəyyənləşib.

Qol.Az-ın məlumatına görə, bunlar "İnter", "Qəbələ" və "Neftçi"dir.

Hər üç klubumuz Avropa Liqasında mübarizəyə I təsnifat mərhələsindən başlayacaq.

"Neftçi" və "İnter" püşk zamanı səpələnmişlər səbətində yer alacaq ki, bu da komandalarımızın nisbətən zəif rəqiblərlə qarşılaşmasına şərait yaradacaq.

Tarixi ərzində ikinci dəfə Avropa Liqasında çıxış edəcək "Qəbələ" səpələnməmişlər səbətində qərarlaşacaq. Bu isə o deməkdir ki, "qırmızı qaralar" turnirin ilkin təsnifat mərhələsində nisbətən güclü rəqiblə üz-üzə gələcək.
 
"Neftçi" və "İnter"in potensial rəqibləri: "Skonto" (Latviya), "Vikinqur" (Farer adaları), "Odd Qrenland" (Norveç), "Kukesi" (Albaniya), "Skendiya" (Makedoniya), "Kayrat" (Qazaxıstan), "Ordabaşı" (Qazaxıstan), "Tiraspol" (Moldova), MTK (Macarıstan), "Qlentoran" (Şimali İrlandiya), VPS (Finlandiya), "Slima" (Estoniya), "Lusitanos" (Andorra), SJK (Finlandiya), "Lahti" (Finlandiya), "Vikinqur" (İslaniya), "Jelqava" (Latviya), NSİ (Farer adaları), "Sent-Culiya" (Andorra), "Atlantas" (Litva), "Qlenavon" (Şimali İrlandiya), "Kork Siti" (İrlandiya), UCD (İrlandiya), "Kruoya" (Litva), "Eirbas" (Uels), "Trakai" (Litva), "Liepaya" (Latviya), "Balzan" (Malta), "Bala Taun" (Uels), "Nyu Taun" (Uels), "Folqore" (San-Marino)  

"Qəbələ"nin potensial rəqibləri: "Şerif" (Moldova), "Rijeka" (Xorvatiya), "Rusenburq" (Norveç), "Elfsborq" (İsveç), AİK (İsveç), "Aktobe" (Qazaxıstan), "Srvena Zvezda" (Serbiya), "Dinamo" (Belarus), "Voyvodina" (Serbiya), "Hafnarfyordur" (İslandiya), "Göteburq" (İsveç), "Stromqodset" (Norveç), "Reykravik" (İslandiya), "Şamrok Rovers" (İrlandiya), "Dudelanj" (Lüksemburq), "Linfild" (Şimali İrlandiya), "Valletta" (Malta), "Differanj" (Lüksemburq), "Rabotniçki" (Makedoniya), "Torpedo" (Belarus), "Aberdeen" (Şotlandiya), "Sent-Patrik" (İrlandiya) və başqaları.

Qeyd edək ki, Avropa Liqasının I təsnifat mərhələsinin ilk oyunları iyulun 2-də, cavab qarşılaşmaları  iyulunda 9-da keçiriləcək.
www.ann.az