Çempionlar Liqası final oyununu türkiyəli hakim idarə edəcək

"Barselona” ilə "Yuventus” arasında oynanacaq Çempionlar Liqası final oyununun baş hakimi açıqlanıb.

Apasport.az-ın UEFA-nın rəsmi saytına istinadən məlumatına görə, möhtəşəm finalı türkiyəli hakim Cüneyt Çakır idarə edəcək.

 

Məsuliyyətli sınaqda Çakıra Bahaddin Duran və Tarık Engin yardımçı olacaq.

 

Matçın dördüncü hakimi isə isveçli Yonas Erikson təyin olunub.

 

Qapı arxası hakimlər də türklər olacaq. Hüseyn Göçek və Barış Şimşək Cüneyt Çakırın qapı arxasındakı "gözü – qulağı” olacaqlar. Ehtiyat hakim isə Mustafa Eysoy olacaq.

 

Xatırladaq ki, Çakır bu mövsüm Çempionlar Liqasında 4 oyun idarə edib, 16 sarı, bir qırmızı vərəqə göstərən türk hakim, iki dəfə də komandaları penalti ilə cəzalandırıb.

 

Qeyd edək ki, Berlində "Olimpiaştadion”da oynanacaq final oyunu iyunun 6-da baş tutacaq.