"Barselona"dan gedir – Xavi açıqladı

Qol.Az-ın məlumatına görə, bu barədə klubun rəsmi "tvitter" səhifəsində yazan ispaniyalı futbolçu yeni mövsümdən Qətərin "Əl Sədd" komandasında çıxış edəcəyini bildirib:

"Mövsümün sonunda "Barselona"dan ayrılacam. Cari mövsüm bu komandada qaldığım üçüm şadam. Ancaq növbəti mövsümdən Qətərin "Əl Sədd" klubunda oynayacam. Bu qərərı vermək mənim üçün asan olmadı. Yeni klubumla iki illik müqaviləm var. Amma müqavilənin müddətini daha bir il uzada bilərəm.

"Barselona" mənə 2018-ci ilə qədər yeni müqavilə təklif etdi. Lakin artıq buna qədər qərarımı vermişdim. Qətərdə məni yeni layihələr gözləyir. Əsas məqsədim isə "Barselona"ya məşqçi və ya idman direktoru kimi qayıtmaqdır. "Barselona" mənim doğma evimdir. Bu klubda yalnız xəyal edilə biləcək karyeraya sahibəm. Messi, İniyesta, Buskets və Pedro üçün darıxacam. Onların hamısı mənim dostlarımdır".

Qeyd edək ki, "Barselona" yetirməsi olan Xavi bu klubun heyətində 505 rəsmi oyun keçirib və 58 qol vurub.

www.ann.az