Ançelotti "Real"dan niyə göndərilib?

"Real"ın prezidenti Florentino Perezin keçmiş baş məşqçi Karlo Ançelotti ilə yolları ayırmasının əsl səbəbi müəyyənləşib.

Qol.Az-ın "Marca" qəzetinə istinadən verdiyi məlumata görə, klub prezidenti italiyalı mütəxəssisin komandada əsas söz sahibi olmaması səbəbindən bu addımı atıb.

Paltardəyişmə otağında Ançelotti ilə yanaşı, komandanın oyunçuları - Kriştiano Ronaldo və Serxio Ramosun da futbolçulara göstəriş vermələri Perezi narazı salıb. Ona görə də bu, Ançelottinin istefasından öncə əsas müzakirə mövzusu olub.

"Real"da Ançelotini əvəzləyən Rafael Benitesin də qarşısına tezliklə futbolçulara nəzarəti ələ keçirməsi, Ronaldo və Ramosun onun işinə müdaxilə etməsinə imkan verməmək vəzifəsi qoyulub.
 
Qeyd edək ki, 2013-cü ildən "Real"ı çalışdıran Ançelottinin səhhətindəki problemlər səbəbindən komandadan getdiyi bildirilirdi.
www.ann.az