Azərbaycanın iki güləşçisi yarımfinala çıxdı

Bu gün Bakı-2015 Avropa Oyunlarında sərbəst güləşçilərin mübarizəsi davam edir.

Apasport.az saytının məlumatına görə, bu gün 4 çəki dərəcəsinin qalibləri bəlli olacaq.

 

Sərbəst güləş üzrə 65 kq  Azərbaycanın Olimpiya çempionu Toğrul Əsgərov ilk mərhələdən yarışa start verib. O, 1/8 finala yüksəlmək üçün rusiyalı İlyas Bekbulatovla üz-üzə gəlib və çətin qələbə qazanıb. Həmyerlimiz 8:2 hesabı ilə öndə olsa da, yekunda Bekbulatovu 8:7 hesabı ilə məğlub edib. Təmsilçimiz 1/8 finalda moldovalı Mixail Sava ilə qarşılaşıb və 10:0 qalib gəlib.

 

O, 1/4 finalda fransalı Maksim Fique ilə güləşib və eyni hesabla onu məğlub edərək yarımfinala yüksəlib.

 

74 kq çəkidə isə ikiqat Avropa çempionu Cəbrayıl Həsənov 1/8 finalda Mihali Haqi (Macarıstan) ilə güləşib və 10:0 hesablı qələbə sayəsində 1/4 finala yüksəlib. O, növbəti yarışda türkiyəli Soner Dəmirtaşla qüvvəsini sınayıb. Cəbrayıl 3:0 hesabı ilə öndə olsa da, yekunda 3:5 hesabı ilə uduzub.

 

Qeyd edək ki, 57 kq çəkidə Azərbaycan təmsilçisi Yaşar Əliyev ¼ finalda erməni Qarik Barsekyanı 10:6 hesabı ilə udub. O, yarımfinalda Viktor Lebedovla (Rusiya) qarşılaşacaq.