Futbolçunun qolu əmisinin ölümünə səbəb oldu

Amerika Kubokunun 1/4  final qarşılaşmasında keçirilən  Braziliya – Paraqvay oyunu bədbəxt hadisə ilə nəticələnib.

Qol.Az-ın məlumatına görə,  Paraqvay millisi görüşdən qələbə ilə ayrılıb.

Lakin paraqvaylı futbolçu Derlis Qonzales qələbənin ardından üzücü xəbərlə sarsılıb. Ona əmisinin ölüm xəbərini veriblər.

Matçın gedişində Braziliya millisinin qapısına penaltidən qol vuran Derlis Qonzalesin əmisi televiziyadan bu epizodu izləyib və həyəcandan vəfat edib.

Qeyd edək ki, Qonzalesin hesabı bərabərləşdirməsi sayəsində matç penaltilər seriyasına qədər uzanıb və burada daha dəqiq olan Paraqvay yarımfinala yüksəlib.