Super Kuboka bilet satışı başlayır

ANS PRESS-in məlumatına görə, bu barədə Gürcüstan Futbol Federasiyasının mətbuat xidməti məlumat yayıb. Satışın dəqiq tarixi müəyyənləşməsə də bəzi detallara aydınlıq gəlib. Belə ki, əcnəbi azarkeşlər üçün 6 min bilet nəzərdə tutulub. Ümumiyyətlə, biletlərin hansı kassada və ya onlayn şəkildə satılıb-satılmayacağına da aydınlıq gələcək. Biletlərin qiymətlərə gəldikdə isə, heç bir dəyişiklik olmayacaq və yerlərdən asılı olaraq 7, 14, 30 avro arasında dəyişəcək.

İyunun 22-də Gürcüstanın "Biletebi.Ge” portalında rəsmi olaraq onlayn bilet satışına başlanılmalıydı. Amma kiber hücumlar və həddindən artıq istifadəçi eyni anda saytda daxil olduğundan yüklənmə baş vermişdi. Məhz bu səbəbdən satış müvəqqəti dayandırılmışdı. 

Super Kuboku 5 dəfə qazanmaqla İtaliyanın "Milan” klubu zirvədə yer alır. Bu il finaldakı rəqiblərdən "Barselona”nın aktivində 4, "Sevilya”nın isə 2 çempionluğu var.