"Azərbaycan bizim üçün münasib rəqib deyil"

"DÇ-2018-in seçmə mərhələsinin püşkünün nəticəsindən razı qaldım. Çünki daha da güclü rəqiblərlə qarşılaşa bilərdik. Əgər Avropa çempionatının final mərhələsinə vəsiqə qazansaq, o zaman "DÇ-2018"in seçmə mərhələsinə də yaxşı start verəcəyik".

Qol.Az-ın məlumatına görə, bu sözləri Çexiya yığmasının futbolçusu Mixael Kadleç "DÇ-2018"in seçmə mərhələsinin püşkünü dəyərləndirərkən deyib.

Millimizin də yer aldığı C qrupundakı komandalar haqda danışan "Fənərbaxça"nın müdafiəçisi Azərbaycan yığmasının onlar üçün münasib rəqib olmadığını bildirib:

"Mən yarı alman, yarı çexəm. Ona görə də Almaniya millisi ilə görüşləri səbirsizliklə gözləyirəm. Almanlar hər zaman bütün turnirlərin favoriti olub. Ancaq onlar bizə hörmətlə yanaşmalıdırlar. Çoxları bizim qrupda ikinci yer uğrunda mübarizə aparacağımızı deyir. Lakin mən birincilik uğrunda yarışa biləcəyimizi düşünürəm. Digər rəqiblərə gəlincə Norveç yığması ilə son yoxlama matçında 2:2 bərabərə qalmışıq. Ancaq 2011-ci ildə onlara 3:0 hesabı ilə qalib gəlmişik. Azərbaycan yığması bizim üçün münasib rəqib deyil. Çünki bu ölkəyə məsafə uzaqdır. Şimali İrlandiya isə sərt futbol oynayır. San Marino ilə də qarşılaşmışıq. Bizi nələr gözlədiyini bilirik".

Qeyd edək ki, Qeyd edək ki, "DÇ-2018"nin seçmə mərhələsinin C qrupunda yer alan Çexiya yığması millimizlə yanaşı, Almaniya, Norveç, Şimali İrlandiya və San Marino ilə mübarizə aparacaq.