“Xəzər Lənkəran”a transfer qadağası qüvvədə qaldı

"Xəzər Lənkəran”ın FİFA-nın transfer qadağası ilə bağlı qərarından şikayətinə baxılıb. 

 

Qol.Az-ın məlumatına görə,  bu barədə "Xəzər Lənkəran"ın mətbuat xidmətinin rəhbəri Hüseyn Cəbrayıloğlu "Facebook" səhifəsindən məlumat verib. O, FİFA-nın verdiyi qərarın onların xeyrinə olmadığını bildirib:

 

" Bir neçə vaxtdır ki, Ali Arbitraj Məhkəməsinin qərarını gözləyirik. Təəssüf ki, qərar xeyrimizə olmadı və transfer qadağası 31 avqusta qədər davam edəcək. Cari mövsümün ilk üç oyununda bizə nə qədər ağir olsa da bu böyük camiə ilə çətinlikdən çıxacağımıza əminəm".

Qeyd edək ki, "Xəzər Lənkəran"ın yeni transferləri qərar qüvvədə olduğu müddətə qədər rəsmi oyunlara çıxa bilməyəcək.