“Qəbələ” tarixi uğura doğru

Bu gün Avropa Liqasının III təsnifat mərhələsinə yekun vurulacaq.

Qol.Az-ın məlumatına görə, təmsilçilərimizdən "Qəbələ” də "pley-off” üçün mübarizə aparacaq.

Roman Qriqorçukun komandası doğma meydanda Kiprin "Apollon” klubu ilə qarşılaşacaq.

İlk oyunda rəqibi ilə 1:1 hesablı bərabərə qalan "qırmızı-qaralar”ın növbəti mərhələyə yüksəlmək üçün yaxşı şansı var.  İstənilən hesablı qələbə və qolsuz heç-heçə komandamızı qane edir.

Bu nəticələrdən biri qeydə alınsa, o zaman "Qəbələ" tarixində ilk dəfə olaraq Avropa Liqasının pley-off mərhələsinə vəsiqə qazanacaq.

Qarşılaşma saat 21:00-da başlayacaq.

6 avqust

Avropa Liqası, III təsnifat mərhələsinin cavab oyunları

21:00. "Qəbələ" (Azərbaycan) - "Apollon" (Kipr)
İlk oyun-1:1

Hakimlər: Duarte Nunu Pereyra Qomes, Luiş Andre Ferreyra Pintu Kampuş, Venansio Manuel Raposo Batista Tome (Portuqaliya)
Bakı.  8-ci  kilometr qəsəbə stadionu
www.ann.az