Yunanıstan BVF-yə borcunu ödədi

Bu gündən etibarən rəsmi Afina Avropa Mərkəzi Bankına olan borcunu da ödəməyə başlayıb

Beynəlxalq Valyuta Fondu (BVF) Yunanıstanın 2 mlrd. avroluq gecikmiş borcunu ödədiyini açıqlayıb. "Report" xəbər verir ki, BVF rəsmisi Ceri Rays (Gerry Rice) həmin borcun 30 iyun və 13 iyul tarixləri arasında yarandığını, amma hazırda rəsmi Afinanın BVF-yə heç bir borcu olmadığını deyib.

Yunanıstan Maliyyə Nazirliyinin rəsmisinin sözlərinə görə, bu gündən etibarən rəsmi Afina Avropa Mərkəzi Bankına (ECB) olan 4,2 mlrd. avroluq borcunu da ödəməyə başlayıb.