Çin maliyyə birjaları enməkdə davam edir

Çin maliyyə bazarları ötən gün 2007-ci ildən bəri ən kəskin enişdən sonra yenidən aşağıdır.

Qlobal enişə səbəb Çində iqtisadi zəifləmənin digər iqtisadiyyatlara təsir edəcəyindən ehtiyatlanmaq olub.

Shanghai Composite bu səhər 6 faiz aşağı düşüb.

Bazar ertəsi isə onun indeksi 8.5 faiz olub və bu, Avropa və ABŞ-da digər birjaların enməsinə səbəb olub.

Çərşənbə axşamı digər Asiya bazarları da aşağı qiymətlərlə açılıb, amma sonradan ticarətdə itkiləri tənzimləyib.

Sərmayeçilər dünyanın ən böyük ikinci iqtisadiyyatı və məhsul və kommersiya xidmətlərinin idxalatçısı olan Çindən asılı olan şirkət və ölkələrin onun yavaşlamasından təsir görəcəyindən narahatdır.

Çin, təxminən iki həftə öncə milli valyutasını, yuanı devalvasiya edib, bu isə onun iqtisadiyyatının düşünüldüyündən də pis vəziyyətdə olacağı barədə qlobal narahatlıq doğurub.

Ucuz valyuta Çinin ixracını xarici şirkətlər üçün cəlbedici edir.

Başqa Asiya ölkələrində isə birjalar pozitiv gözləntiləri doğurub, əvvəlki ticarət qiymətləri təkrarlanıb.

Hong Kongda Hang Seng birjası 2.6 faiz artıb, Avstraliyanın S&P ASX/200 birjası 2.2 faiz və Yaponiyanın Nikkei 225 birjası 0.7 faiz artıb.

Buna baxmayaraq, ABŞ və Avropa birjaları ötən gecə enişlərlə müşahidə edilib.

Wall Streetin Dow Jones birjasında eniş 6 faiz olsa da, bağlanışdan öncə 3.6 faiz qədər azalıb.

Londonun FTSE 100 indeksi isə 4.6 faizlə bağlanıb.


www.ann.az