Avropa İttifaqı Azərbaycana maliyyə yardımı ayırdı

Avropa İttifaqı Azərbaycana kənd həyatı səviyyəsinin inkişafı üçün 13,6 milyon avro maliyyə ayırıb.

APA-nın qurumun rəsmi saytına istinadən verdiyi məlumata görə, proqram biznesin inkişafı, investisiya təşviqi, iş yerlərinin açılması kimi sahələrə yönəldiləcək.

 

"Azərbaycanın kompleks regional inkişafı” proqramı çərçivəsində kiçik və orta müəssisələrə, habelə ailə fermalarına maliyyə vəsaiti ayrılacaq. Proqram çərçivəsində biznesin təşviq edilməsi stimullaşdırılacaq, müxtəlif təbliğat proqramları həyata keçiriləcək.

 

Bu proqram Avropa İttifaqının Belarusda ətraf mühit, Azərbaycanda kənd yerlərində biznesin inkişafı və Şərq Tərəfdaşlığı proqramı çərçivəsində regional əməkdaşlıq üçün ayırdığı 92.5 milyon avroluq layihənin tərkib hissəsidir.