Avstriya mühacirləri geri qaytardı

ANS PRESS-in məlumatına görə, mühacirlər Avropaya daxil olduqları ilk ölkəyə geri qayıdırlar. Rəsmilər bunun qeydiyyat prosesi ilə əlaqədar olduğunu açıqlayıb. Yeni qaydalara görə mühacirlər Avropaya daxil olduqları ölkədə qeydiyyatdan keçməlidirlər.

Avstriya hökuməti bir müddət əvvəl Avropa liderləri mühacirlərin kvota sistemi əsasında bölüşdürülməsinə dair razılaşma əldə etdikdən sonra belə bir qərar qəbul edib.

Avstriyanın daxil işlər naziri Yohanna Mikl-Laytner azı 5000 nəfərin Bolqarıstan və Rumıniyaya geri göndərildiyini açıqlayıb.

Mühacirlərin Avropaya axını fonunda Almaniya kansleri Angela Merkel böhranın qarşısını almaq üçün daha çox işlər görmək lazım olduğunu bildirib. Merkel qeyd edib ki, problemi qısa müddətdə həll etmək istənilən halda mümkün deyil. Lakin bu istiqamətdə ilkin addımlar artıq atılıb.

"Mühacirlərin yenidən bölüşdürülməsi prosesi Avropanın hüdudlarında mütəmadi olaraq mühacirlərin qeydiyyatını aparmaqla mümkün ola bilər. Bu, onların təhlükəsizliyi üçün də vacibdir. Düşünürəm ki, Avropa mühacirləri ədalətli şəkildə bölüşdürməlidir”. 

Mühacirlərin Avropa ölkələri arasında bölüşdürülməsinə qarşı hələlik təkcə Sloveniya məhkəmə işi qaldırıb.