Rusiya, Ukrayna və Aİ razılığa gəldi
26.09.2015 12:11
Brüsseldə keçirilən danışıqlarda Rusiya, Ukrayna və Avropa İttifaqının nümayəndələri 2015-2016-ci illərin qış mövsümü üçün qaz tədarükü üzrə üçtərəfli protokola imza atıblar.
APA-nın TASS agentliyinə istinadən verdiyi məlumata görə, Avropa Komissiyasının iqamətgahında keçirilən mərasimdə Avropa Komissiyasının enerji məsələləri üzrə vitse-prezidenti Maroş Şefçoviç, Ukraynanın və Rusiyanın Energetika nazirləri Vladimir Demçişin və Aleksandr Novak iştirak ediblər.
İmzalanmış müqavilə 2016-ci ilin mart ayınadək qaz tədarükünün şərtlərini müəyyənləşdirib.
Yeni müqavilənin şərtlərinə əsasən, endirimli qiymətlə Ukrayna hər 1000 kubmetr qaza görə Rusiyaya 232 dollar ödəyəcək. Maroş Şefçoviçin sözlərinə görə, bununla əlaqədar Ukraynaya beynəlxalq maliyyə təşkilatları tərəfindən 500 milyon ABŞ dolları ayrılacaq: "Sənədlər bir həftə ərzində müvafiq hüquqi prosedurlar həyata keçirildikdən sonra imzalanacaq”.
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
