Çinlilər dünyanı şok etdi - tük qədər incə, polad qədər güclü maddə

ANN.Az xarici ölkə mediasına istinadən xəbər verir ki, Çin Elmlər Akademiyasının Keramika İnstitutunun alimləri yeni maddə ixtira ediblər. Alimlərin iddiasına görə, bu maddə əyilmədən, sınmadan özündən düz 40 min dəfə ağır olan yükü daşımağa qadirdir.

Qrafendən (karbonun çoxatomlu təbəqəsi - red.) əldə edilən bu maddə 1 kvadratsantimetr ölçüdə 1 tondan çox təzyiqə dözüm göstərə bilir. Bu maddə indiyə qədər əldə edilənlərdən dəfələrlə yaxşı göstəricidir.

Orijinal həcminin 5 faizi qədər sıxışdırılan super maddə yenidən əvvəlki görünüşünə dönə bilir. Sıxışdırılma prosesinin dəfələrlə təkrarlanmasına baxmayaraq super maddə heç bir zərər görmür. 

Bundan əlavə bu maddə istiyə qarşı da dözümlüdür. Artıq bu maddədən raket və mərmilərdən qorunma texnologiyasında istifadə edilməsinin yolları araşdırılır. Kəşflə bağlı "Advanced Material" jurnalında da məqalə dərc olunub.

Karbon atomunun qaymağı hesab olunan qrafen maddəsini 2004-cü ildə rus əsilli ingilis elm adamları Andre Geim və Konstantin Novoselov kəşf ediblər. Bu kəşflərinə görə, hər iki alim 2010-cu ildə fizika üzrə Nobel mükafatına layiq görülüblər. 

Son dərəcə incə görünüşə malik və bir sıra xüsusi özəlliklərə sahib qrafen bir dəqiqə ərzində enerji ilə dolan batareyaların, kağız qədər incə mobil telefonların, gülləkeçirməz paltarların istehsalçılarının diqqətini çəkib.