Səudiyyə Ərəbistanı Rusiyadan bombardmanların dayandırılmasını tələb edir

Ölkənin BMT yanında daimi nümayəndəsi bəyanatla çıxış edib.

Səudiyyə Ərəbistanı Rusiya HHQ-nin Suriyada aviazərbələrini dayandırmağı tələb edir, "Əl-ərəbiyə” telekanalı ölkənin BMT yanında daimi nümayəndəsi Abdulla əl-Mualliminin sözlərindən sitat gətirir.

Oxu.Az bu barədə RİA Novosti-yə istinadən xəbər verir.

Əl-Muallimi BMT-nin Baş Assambleyasında çıxış edərkən bəyan edib ki, Səudiyyə Ərəbistanı Rusiyanın Suriyadakı əməliyyatlarından narahatdır, telekanal bildirib.

Rusiya ölkənin prezidenti Bəşər Əsədin xahişinə cavab olaraq "İslam Dövləti” (İŞİD) radikal qruplaşmasının Suriyadakı mövqelərinə aviazərbələr endirməyə başlayıb.