Deputat Xaçatryan: Ermənistan iqtisadiyyatı biabırçı vəziyyətdədir

"Miqrasiyanın ən təhlükəli növü ilə qarşılaşmışıq”.

Ölkə ağır sosial vəziyyətdədir, - Ermənistanın Milli Məclisində çıxış edən deputat İşhan Xaçatryan bəyan edib, ru.a1plus.am xəbər verir.

O, hökumətin vədini xatırladıb:

"Qeyd edilmişdi ki, qaranlıq məqamların, inhisarçılığın aradan qaldırılması, azad və ədalətli rəqabət mühiti yaratmaq planlaşdırılır. Amma faktlar əksini sübut edir”.

Milli statistika xidmətinin məlumatına əsasən, Ermənistanın dövlət borcu avqustun 1-nə olan məlumata görə, 4 milyard 722 milyon 955 min dollardan ibarətdir. 

"May ayı ilə müqayisədə borc 92 milyon 722 min dollar artıb”, - Xaçatryan qeyd edib. 

Bundan başqa, o qeyd edib ki, keçən il ilə müqayisədə işsizlərin sayı 20 faiz artıb, özəl transfertlər isə 26 faiz azalıb. 

"Miqrasiyanın ən təhlükəli növü ilə qarşılaşmışıq, erməni ailəsi sülh şəraitində ölkəni tərk edir”, - deputat qeyd edib.

O, bütün bunları iqtisadi vəziyyətlə əlaqələndirir.  

"Rəsmi məlumatlara görə, Ermənistan iqtisadiyyatı biabırçı vəziyyətdədir”, - Xaçatryan vurğulayıb.