Ermənilər Xocalıda şadlıq sarayı tikirlər

Ermənilər Dağlıq Qarabağ müharibəsi zamanı ən böyük qətliamın yaşandığı Xocalıda şadlıq sarayı inşa edir. Modern.az saytı Ermənistan KİV-nə istinadən xəbər verir ki, 250 nəfərlik şadlıq sarayı separatçı Qarabağ rejimi və "Hayastan” ümumerməni fondunun birgə maliyyəsi hesabına inşa olunur. İcma mərkəzi ilə yanaşı tikilən şadlıq sarayının gələn ilin ortalarında istifadəyə verilməsi nəzərdə tutulur.

1992-ci il fevralın 25-dən 26-na keçən gecə Ermənistan ordusunun Xocalıya hücumu nəticəsində rəsmi məlumatlara görə 613 azərbaycanlı öldürülmüş, 1275 nəfər isə girov götürülmüşdü.