Avropa Birliyi ilə İran arasında yeni dövr başlayır

"Avropa Birliyi ilə İran arasında yeni dövr başlayır." ANS PRESS-in məlumatına görə, Avropa Parlamentinin prezidenti Martin Şlutz belə bir bəyanatla çıxış edib. 

İranda səfərdə olan Şlutz Brüssel ilə Tehran arasında olan münasibətlərin müsbət istiqamətdə inkişaf etdiyini deyib.

"Ümid edirəm ki, münasibətlərimizdə yeni səhifə aça biləcəyik. Regionda stabillik, Suriya münaqişəsi, İŞİD, Əfqanıstan, narkotik qaçaqmalçılığı kimi məsələlər əsas diqqət yetirdiyimiz problemlər idi. Həmçinin, insan haqları və edam hökmü məsələsinə də dair fikir mübadiləsi apardıq. Bütün bu məsələlər müzakirəyə açıqdır. Danışıqlar üçün yeni imkanlar var."

İranın nüvə proqramında dair iyun ayında Vyanada əldə olunan razılaşmaya əsasən, bu ölkəyə qarşı tətbiq olunan sanksiyalar tədricən aradan qaldırılır.