Putin: Rusiya nüvə qüvvələrini möhkəmləndirəcək

"Raket əleyhinə müdafiə sistemləri üzərində də çalışacağıq”.

Rusiya ABŞ-ın raket əleyhinə müdafiə sistemlərinin yerləşmə məkanının genişləndirilməsi ilə bağlı strateji nüvə qüvvələrinin potensialının möhkəmləndirilməsi üzrə cavab tədbirləri görəcək.

Oxu.Az-ın RİA Novosti-yə istinadən verdiyi xəbərə görə, bu barədə Rusiya prezidenti Vladimir Putin ölkənin hərbi-sənaye kompleksinin vəziyyəti ilə bağlı keçirdiyi iclasda bildirib.

"Rusiya strateji nüvə qüvvələrinin potensialının möhkəmləndirilməsi üzrə lazımi cavab tədbirləri görəcək. Raket əleyhinə müdafiə sistemləri üzərində də çalışacağıq. Dəfələrlə qeyd etdiyimiz kimi, istənilən raket əleyhinə müdafiə sistemlərini dəf etmək qabiliyyətinə malik zərbə sistemləri üzərində də çalışacağıq”, - Rusiya prezidenti deyib.