Rusiya ATƏT DTİHB-nin işinin təftiş edilməsinin tərəfdarıdır

"Rusiya ATƏT-in Demokratik Təsisatlar və İnsan Haqları Bürosunun (DTİHB) işinin təftiş edilməsinin tərəfdarıdır".

"Report" TASS-a istinadən xəbər verir ki, bunu mətbuat konfransında Rusiya xarici işlər nazirinin müavini Aleksey Meşkov deyib.

"ATƏT-in idarəetmə orqanlarının, o cümlədən DTİHB-nin fəaliyyətinə nəzarət edilməsi zəruridir. Bu səbəbdən DTİHB-nin işi təftiş edilməlidir. Pulların necə və hansı layihələrə xərcləndiyini, könüllü ianələrin haradan gəldiyini və hansı sifarişlərə getdiyini bilmək istəyirik. Fikrimizcə, bu, olduqca ədalətli tələbdir", - Meşkov əlavə edib.
www.ann.az