Kompüter texnologiyası sahəsində inqilab

Yeni Cənubi Uels Universitetinin avstraliyalı alimləri kvant kompüterləri üçün kodun yaradılması imkanını sübut ediblər. Onlar silisium mikroçipdə iki elementar zərrəciyin "qarışıqlıq" effektinə nail olublar: bir obyektin parametrinin dəyişilməsi başqa obyektin transformasiyasına səbəb olur.

 

«ICTnews.az» saytı «itar-tass.com» saytına istinadən yazır ki, «ənənəvi kompüterlər ikilik say sistemindən, kvant kompüterləri isə bit və ya kubitdən istifadə edir. Hesablama qurğuları 0 və 1 vəziyyətlərin uyğunluğu mümkünlüyünü istisna etmir ki, bu da hesablama maşınının məhsuldarlığını son dərəcə artırır" - tədqiqat müəlliflərindən biri fizik Andrea Morello deyib.

 

 Morello bildirib ki, Sidney alimlərinin uğuru "kvant kompüter kodu"nun yaradılması imkanını nümayiş etdirib ki, bu da çox güclü kvant kompüterlərinin yaradılmasına imkan yaradacaq.

  

Cari ilin oktyabrında Yeni Cənubi Uels Universitetində işləyən alimlər yeni tip kompüterin işlək nümunəsini yaratmağa lap yaxınlaşıblar.