Türkiyənin baş naziri: "Heç kim bizdən üzr gözləməsin"
30.11.2015 17:06
"Heç bir dövlət üzərinə düşəni yerinə yetirdiyi üçün üzr istəməz. Ordumuz üzərinə düşəni edib. Heç bir ölkə öz işimizi gördüyümüz üçün bizdən üzr gözləməsin.
Bütün səviyyələrdə danışıqlara hazırıq".
"Report" "Anadolu" agentliyinə istinadən xəbər verir ki, bunu ölkənin baş naziri Əhməd Davudoğlu NATO-nun baş katibi Yans Stoltenberqlə görüşdən sonra keçirdiyi mətbuat konfransında Rusiyanın vurulan təyyarəsi ilə bağlı açıqlamasında bildirib.
O, NATO-nun baş katibi ilə noyabrın 24-də Türkiyə sərhədini pozan Rusiya təyyarəsinin vurulmasına dair müzakirələr apardığını söyləyib: "Noyabrın 24-də baş verənlərin məsuliyyəti Türkiyənin üzərində deyil. Bütün səviyyədə görüşməyə hazırıq. Biz bu gərginliyi artırmaq istəmirik. Danışıqlara hazırıq".
Həmin görüşdə Yans Stoltenberq deyib: "Türkiyə öz sərhədlərini və hava sahəsini qorumaq hüququna malikdir. Türkiyənin Rusiya ilə təmas qurmaq cəhdlərini dəstəkləyirik".
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
